ଅନ୍ତିମ ବିଶ୍ୱାସ
ଅନ୍ତିମ ବିଶ୍ୱାସ
ଅନ୍ତିମ ବିଶ୍ୱାସ ଶେଷ ହେଲା ଆଜି
ଦୁନିଆଁ କୁ ମୁହିଁ ଦେଖି
ଆଦର୍ଶ ବି ଆଜି ମିଛ ହେଲେ ମୋର
ବିଶ୍ୱାସ ହାରିଲି ଦେଖି l
ମିଛ ମାୟା ଇଏ ମିଛର ସଂସାର
ମିଛ ଏଠି ସବୁ ଭାଇ
ପରଖି ଆଜିମୁଁ ସଭିଙ୍କୁ ଦେଖିଲି
ବହୁରୂପୀ ସବୁ ଭାଇ l
କୋଷଟି ପଥରେ ଘଷିଲି ସଭିଙ୍କୁ
କିଏ ବେଙ୍ଗୀ କିଏ ସୁନା
କିଏ ଆପଣାର ପର ଏଠି ମୋର
କଥା ଦେଇ କଲେ ଚୁନା l
ଭାଇ, ଭଗ୍ନୀ, ଜ୍ୟେଷ୍ଠ, ଦେଖିଲି ମୁଁହିତ
କହୁଥିଲେ ସର୍ବେ ମୋର
ସତରେ ଆଜିମୁଁ ପରଖି ଦେଖିଲି
କିଏବା ମୋର ନିଜର l
ଉପରେ ଦେଖିଲି ମିଠା କଥା କେତେ
ଦେଖିଲି ପଛର ରୂପ
ସଭିଙ୍କୁ ଆଜିମୁଁ ପରଖି ଦେଖିଲି
ସଭିଙ୍କ ଅସଲ ରୂପ l
ବିଶ୍ୱାସ ହାରିଲି ସଭିଙ୍କୁ ଦେଖିଲି
ଦେଖିଲି ମିଛ ଦୁନିଆଁ
କିଏ ଏଠି ମୋର କହିବି ନିଜର
ଲାଗେ ମିଛ ଏ ଦୁନିଆଁ l