ଅଳକାନନ୍ଦା ............
ଅଳକାନନ୍ଦା ............
ଯୌବନ ନନ୍ଦନବନେ
ଫୁଲ ଯେତେ ଫୁଟଇ
ସ୍ୱପ୍ନର ଅଳକାନନ୍ଦା ଗଭା
ଦିଏ ମୁହିଁ ସଜାଇ l
ବସନ୍ତ ଆସଇ ଯେବେ
ଯୌବନ କୁଞ୍ଜରେ
ମହକିତ ମଳୟର ଗନ୍ଧେ
ଆଉ କୋଇଲିର ଗୀତରେ l
ଆଶାଢ ବଉଦ ଯେବେ
ଭାସଇ ଯୌବନ ନଭରେ
ମୟୁର ନାଚଇ ଯେବେ
ପୁଛ ଟେକି ଅଧୀରେ l
ଅଳକାନନ୍ଦା ମୋ କାନେ
ଥିରି ଥିରି କହଇ
ବଂଧୁ ହେ ବକ୍ଷେ ତୁମ
ଦିଅ ମୋତେ ଜଡାଇ l
ଥର ଥର ଓଠେ ଯେବେ
ଚୁମ୍ୱଇ ତା କପୋଳ
ନୀଳ ନୀଳ ଆଖିରେ ତା
ଫୁଟେ ଶ୍ୱେତ କମଳ l
ଜଡାଇ ଆବେଶେ ଯେବେ
ଭିଡେ ତାର ଅଂଚଳ
ମୁକୁଳି ପଡେ ସେ
ଝରି ଲାଜେ ମିଶିଯାଏ ଚଂଚଳ l
ଅଳକାନନ୍ଦା ମୋ ଲାଜେ
ଦିଏ ମୁହଁ ଲୁଚାଇ
ମଧୁଗଂଧେ ମଧୁପ ମୁଁ
ତାର ପଦ୍ମମୁଖ ଚୁମ୍ୱଇ l