ଅକୁହା କଥା

କେମିତି କହିବି ମୋ ମନ କଥାକୁ

    ଲାଗେ ମତେ ଭାରି ଡର

କହିଦେଲେ କାଳେ ରାଗି ଯିବୁ ତୁ ଲୋ

    କରିଦେବୁ ସାତ ପର ।

ଭଲପାଏ ବୋଲି ତତେ ଲୋ ମୋ ପ୍ରିୟା

     ଭାବିଛି ମୁଁ ଦେବି କହି

ଯେତେଥର ଭାବେ କହିବି ଏ କଥା

     ସାହସ ମୋ ହୁଏ ନାହିଁ ।

ଶୈଶବ ରେ ଆମେ ଦିନ ବିତେଇଛେ

     ଖେଳି କେତେ ଧୂଳି ଘର

ମନେ ମୋ'ର ଆଶା ତୋ ସାଥେ ଗଢିବି

     ସତ

Advertisement

ସତିକା ର ଘର ।

ତୁ ରହୁଛୁ ଲୋ ରାଜ ଉଆସରେ

    ମୋର ଭଙ୍ଗା ଚାଳଘର

ଭଙ୍ଗା କୁଡିଆ ରେ କେମିତି କରିବୁ

    ସୁଖର ସଂସାର ତୋର।

ଆଶଙ୍କାରେ ରହି କହିପାରିଲିନି

    ଭଲ ପାଏ ବୋଲି ତତେ

ଅନ୍ୟ ହାତ ଧରି ବାହା ହେଇଗଲୁ

    ଝୁରି ମରୁଛି ଲୋ ତତେ ।

ମନ କଥା ମୋର ଅକୁହା ରହିଲା

    କହିପାରିଲିନି କେବେ

ଆଜି ମୁଁ ଭାବୁଛି କାହିଁକି ନ କହି

    ରହିଗଲି ମୁଁ ନିରଵେ ।