ପ୍ରେମ

ପ୍ରେମ ଚିରନ୍ତନ ସତ୍ୟ ଶିବ ସୁନ୍ଦର

ପ୍ରେମ ଏକ ପ୍ରତିଶ୍ରୁତି ବିଶ୍ୱାସ ଭରସାର

ପ୍ରେମ ମୈତ୍ରୀ କରୁଣା ଭଲପାଇବାର

ଏକ ସୁଦୃଢ ମାଧ୍ୟମ 

ଯାହା ସାହାଯ୍ୟ ରେ ଗଢାହୁଏ

ଏକ ଅଭେଦ୍ୟ ଦୂର୍ଗ ମାନବ ଜାତିର ।।

ହେଲେ ମୋ ପାଇଁ ପ୍ରେମ........?

ପ୍ରେମରେ ଧୋକା ଖାଇବା ପରେ

ପ୍ରେମର ସଂଜ୍ଞା ବଦଳିଛି ମୋ ପାଇଁ

ଭାବେ ମୋ ଜୀବନେ ପ୍ରେମର ମୂଲ୍ୟ କିଛି ନାହିଁ ।।

ମୋ ପାଇଁ ପ୍ରେମ ଥିଲା ଏକ ବାଲିଘର

ସେ ଘରେ ନଥିଲା ନିର୍ଭର ପ୍ରତିଶ୍ରୁତି

ଏବଂ ଭରସା ସ୍ଥାୟୀତ୍ୱର ।

ମୋ ପାଇଁ ପ୍ରେମ ଏକ ଅଦିନିଆ ଝଡ଼

ସେ ଝଡରେ ଭାଙ୍ଗି ଗଲା

ମୋ ସ୍ଵପ୍ନର ଛୋଟିଆ ନୀଡ ।।

ମୋ ପାଇଁ ପ୍ରେମ ଏକ ଅଦିନିଆ ବର୍ଷା

ସେ ବର୍ଷାରେ ଭିଜିଲି ସିନା 

ପ୍ରେମର ଶିତଳତା ବଦଳରେ

ମିଳିଲା ଖାଲି ଉଷ୍ମତାର ପ୍ରତାରଣା ଆଉ ଈର୍ଷା ।।