ଅକ୍ଷୁର୍ଣ୍ଣ ସଂସ୍କୃତି ଆମର

ଜୀବନର ଡଙ୍ଗା ଆଗକୁ ନେବାକୁ

ଲୋଡ଼ା କାଳିଆ ଆଶିଷ ,

ତା ନାମକୁ ହୃଦେ ନିସ୍ଵାର୍ଥେ ଚିନ୍ତିଲେ

ଡଙ୍ଗା ବାହି ଭରି ଦେବ ସେ ହସ।

ଜନମ କାଳରୁ ମାଆ ବାପା ଆମ

ଡଙ୍ଗା ବାହି ନେଉଥାନ୍ତି,

ବିପଦେ ଆପଦେ ସବୁ ଦୁଃଖ କ୍ଲେଶ

ମଝି ଖୁଣ୍ଟଭଳି ଦୁରେଇ ଦିଅନ୍ତି।

ଡଙ୍ଗା ବାହି ନେଉଥିଲେ ସାଧବପୁଅ

ଜାଭା ସୁମାତ୍ରା ବାଣିଜ୍ୟ କରି,

ବୋଇତରେ ସୁନାରୂପା ସମ୍ପଦ

ଭରି ବୋହି ଆଣନ୍ତି ଦେଶକୁ ଧରି।

କାର୍ତ୍ତିକେ ବାଲିଯାତ୍ରା ତା ମୁକସାକ୍ଷୀ

ରାସପୂର୍ଣ୍ଣିମା ପରମ୍ପରା ,

ସଂସ୍କୃତିକୁ ମନେ ପକାଇ ଓଡ଼ିଆ

ଡଙ୍ଗାକୁ ଭସାଏ ଥୋଇ ପାନଗୁଆ।