ଅକ୍ଷିମୁଠି ଅନୁକୂଳ, ଅକ୍ଷୟ ତୃତୀୟା
ଅକ୍ଷିମୁଠି ଅନୁକୂଳ, ଅକ୍ଷୟ ତୃତୀୟା
ଅକ୍ଷୟ ତୃତୀୟା ତିଥି ପରା ଆଜି
ଚଷା ଭାଇ ଧାନ ବୁଣିବ ଆଜି |୧|
କୃଷି ଭିତ୍ତିକ ଅଟେ ଏହି ପରବ
ସବୁ ଅନୁକୂଳର ହୁଏ ଆରମ୍ଭ |୨|
ସଂସ୍କୃତିରେ ଏହା ଶ୍ରେଷ୍ଠ ଦିନଟିଏ
କୃଷକ ଦିବସ ବୋଲି ପାଳନ ହୁଏ |୩|
ଅକ୍ଷି ତୃତୀୟା ପାଳିତ ହୁଅଇ
ସୁଖ ସମୃଦ୍ଧି ସୌଭାଗ୍ୟ ପାଇଁ |୪|
ଚାଷୀ କିଣ ଏକ ନୂଆ ଗଉଣୀରେ
ଧାନ ପୁରାଏ ନୂଆ ଟୋକେଇରେ |୫|
ଚନ୍ଦନ ସିନ୍ଦୂର ସେଥିରେ ବୋଳି
କୃଷକ ଭାଇ ପକାଏ ହୁଳୁ ହୁଳି |୬|
ଈଶାନ କୋଣେ ନୈବେଦ୍ଯ ଲଗାଇ
ଲକ୍ଷ୍ମୀ ଠାକୁରାଣୀଙ୍କୁ ଆଦରେ ପୂଜଇ |୭|
ମାଆକୁ ସୁମରି ଚାଷ କରି ବୁଣେ ଧାନ
ଶୁଭ ବେଳାରେ କରେ ଅକ୍ଷିମୁଠି ଅନୁକୂଳ |୮|
ଅକ୍ଷୟ ତୃତୀୟା ତିଥି ରଥ କାଠ ଅନୁକୂଳ
ଶୁଦ୍ଧ ଭାବେ ବ୍ରତ ପାଳିଲେ ମିଳେ ପୂଣ୍ୟଫଳ |୯|
ଶୁଭ କାର୍ଯ୍ୟ ପାଇଁ ଏ ଦିନ ତ ବିଖ୍ୟାତ
ପୁଣ୍ୟ କାର୍ଯ୍ୟ କରିବା ପାଇଁ ତ ଖ୍ୟାତ |୧୦|
ଏହି ଦିନର ଅଛି ବହୁତ ମହତ୍ତ୍ୱ
ଶାସ୍ତ୍ର ପୁରାଣରେ ହୋଇଛି ବର୍ଣ୍ଣିତ |୧୧|
ଏହି ଦିନ ସୀତା ମାତା ହେଲେ ଜାତ
ବ୍ୟାସ ରଚିଥିଲେ ଏହି ଦିନ ମହାଭାରତ |୧୨|
ଜୟଦେବ ପର୍ଶୁରାମଙ୍କର ଜନମ ଦିନ
ତେତ୍ରୟା ଯୁଗର ଆରମ୍ଭ ତ ଏହି ଦିନ |୧୩|
କୁବେର ଧନ ଭଣ୍ଡାରକୁ ତ ପ୍ରାପ୍ତି କରି ଥିଲେ
ସୂର୍ଯ୍ୟଦେବ ପାଣ୍ଡବେ ଅକ୍ଷୟ ପାତ୍ରକୁ ଦେଲେ |୧୪|
ଏହି ଦିନରେ ସତ୍ୟ ଯୁଗର ଆରମ୍ଭ ହେଲା
ବିଷ୍ଣୁ ଭଗବାନ ଶାସନର ଅୟାରମ୍ଭ ହେଲା |୧୫|
ଋଷଭ ଦେବ ଏକ ବର୍ଷ ଉପବାସ କଲେ
ପାନ ରସ ପାନ କରି ଦିନ ବିତାଇ ଥିଲେ |୧୬|
ଆଜିର ଦିନଟି ଓଡିଆର ସୁଖର ପରବ
ସଭିଏଁ ପାଳିବା ଓଡିଆ ବୋଲି କରି ଗର୍ବ |୧୭|
ଶ୍ରୀ ଜଗନ୍ନାଥଙ୍କ ରଥ ନିର୍ମାଣ କାର୍ଯ୍ୟ ଆରମ୍ଭ ହୁଏ
ବିବାହ ବ୍ରତ ଘର ନିର୍ମାଣ ସର୍ବ ଶୁଭ କାର୍ଯ୍ୟ ହୁଏ |୧୮|
ଆଜ ଦିନେ ଆମେ ରଖିବା ଆମ ମନ ହରସ
ରାଗ ହିଂସାରୁ ଦୂରେଇ ନବା ନୂତନତାର ରସ |୧୯|
ଆସ ସମସ୍ତେ ଆଜି ଦିନରେ ଶପଥ ନେବା
ବିବେକ ଖଟାଇ ବୁଝି ବିଚାରି କାର୍ଯ୍ୟ କରିବା |୨୦|
ସହଜେ ବିପଦ ଆସେନି ଚଳିଲେ ସାବଧାନରେ
କୃଷକ ବିରୋଧୀଙ୍କୁ ଚିହ୍ନି ଖୁସି ଫେରେଇବାରେ |୨୧|