ଲାଇବ୍ରେରୀ
ପ୍ରୋଫାଇଲ୍
ଅଜଣା ବ୍ୟକ୍ତିଙ୍କ ସହିତ ଦିନେ
ଅଜଣା ବ୍ୟକ୍ତିଙ୍କ ସହିତ ଦିନେ
1 min
82
ଜୀବନ ଯାତ୍ରାରେ କିଏ କେବେ ମିଶେ କିଏ କେବେ ଯାଏ ଛାଡି
କିଏ ତୁନି ରହି ସମ୍ପର୍କ ନିଭାଏ କିଏ ଛାଡି ଥାଏ ରଡି
ଏହି ଯାତ୍ରା ପଥେ ଦିନେ ଦିନେ ଥରେ ମିଳନ୍ତି ଏପରି ଜନ
ସତରେ ଯେପରି ଅଜଣା ନୁହେଁ ସେ ଅଟେ ନିଜ ପରିଜନ
ଘଡିଏ ଦେଖାରେ ଟିକିଏ କଥାରେ ଯୋଡନ୍ତି ସମ୍ପର୍କ ଏତେ
ଏସାରା ଜୀବନ ସେଇ ସମ୍ପର୍କରେ ଛୋଟ ପଡିଯାଏ ସତେ
ଗୋଟିଏ ଦିନରେ ସକାଳୁ ସଂଜରେ ଲାଗେ ଏତେ ଆପଣାର
ସତେ ଯେମିତିକା ଆଜି ମିଶିନାହୁଁ ସମ୍ପର୍କ ଯୁଗ ଯୁଗର
ମିଠା ମିଠା କଥା ଭଲ ବ୍ୟବହାର ଆପଣାଇବାର କଳା
ସମ୍ପର୍କରେ ଦିଏ ଏମିତିକା ଯୋଡ ସତେ ଫେବିକଲ୍ ବୋଳା
ସତରେ ସତରେ ଭାରି ଭଲ ଲାଗେ ଅମାୟିକ ହୃହୟଟି
ସେପରି ଲୋକର ସଙ୍ଗତେ ଆସିଲେ ମନ ଯାଏ ଫିଟି ଫିଟି
ଗୋଟିଏ ଦିନର ଅଜଣା ମଣିଷ ହୋଇ ଯାଏ ଆପଣାର
ସମ୍ପର୍କ ଏପରି ଯୋଡି ହୋଇଯାଏ ରହେ ସେ ଯୁଗ ଯୁଗର
