ଲାଇବ୍ରେରୀ
ପ୍ରୋଫାଇଲ୍
ଅଝଟ ମୌସୁମୀ
ଅଝଟ ମୌସୁମୀ
1 min
392
ଅଝଟ ମୌସୁମୀ ଆସ ଝୁମିଝୁମି
ଲୁଚିଥିଲ କାହିଁପାଇଁ
ଦୂର ପାହାଡର ଗହିର ମଥାରେ
ଯାଇଥିଲ କିବା ଶୋଇ
ତୁମ ଆଗମନୀ ସଙ୍ଗୀତ ଗାଉଛି
ଶିର ମୋ ଯାଇଛି ନଇଁ
ଅଝଟ ମୌସୁମୀ ଆସ ଝୁମିଝୁମି
ଲୁଚିଥିଲ କାହିଁପାଇଁ..... ।
ଏବେ ଗୋ ଆସିଲ କେଡେ ଅଝଟିଆ
ଆକାଶରେ ମେଘମାଳା
ମାଟିକୁ ଛୁଇଁଲା ଅତି ସରାଗରେ
ମିଳନର ମଧୁଶାଳା
ବତୁରା ଦେହର ବାସନାରେ ମୋହେ
ସାଥିକୁ ତା ପାଶେ ପାଇ
ଅଝଟ ମୌସୁମୀ ଆସ ଝୁମିଝୁମି
ଲୁଚିଥିଲ କାହିଁପାଇଁ......।
ସ୍ନିଗ୍ଧ ପ୍ରାଣରେ ଭରା ସିତଳତା
ପୂବେଇ ପବନ ବହେ
ବରଷା ରାଣୀର ଉନ୍ମନା ପାଉଁଜି
ଫିସିଫିସି କଥା କହେ
ନିଦୁଆ ନିଦୁଆ ଆଖିରେ ସପନ
କରଲେଉଟାଇ ଛୁଇଁ
ଅଝଟ ମୌସୁମୀ ଆସ ଝୁମିଝୁମି
ଲୁଚିଥିଲ କାହିଁପାଇଁ......।।
