ଅଗ୍ନିପଥ
ଅଗ୍ନିପଥ
ଅଗ୍ନିପଥ ଆଜି ଦୁନିଆଁ
ବଞ୍ଚିବାଟା ବଡ କଷ୍ଟ
ଯୁବପିଢି ଆଜି ବିପଥଗାମୀ
ସମାଜ ହେଲାଣି ନଷ୍ଟ ।
ପାଶ୍ଚାତ୍ୟ ସଭ୍ୟତା ଆପଣେଇବାକୁ
ସମସ୍ତଙ୍କ ଦେଖି ଆଣ୍ଟ
କେତେକ ପୁରୁଖା ଘୁରାନ୍ତି ଚରଖା
ଭାଙ୍ଗିଯିବ ପରା ବେଣ୍ଟ ।
ଶ୍ରୀ ଅକ୍ଷର ବିବର୍ଜ୍ଜିତ ଭାବିଛି ନିଜକୁ
ଇଂରେଜ ଫେରନ୍ତା ଚାଟ
ଜନ୍ମହେଲା ପିଲା ନଶିଖି ଓଡ଼ିଆ
କହିଲେ ଲାଗୁଛି ଛାଟ ।
ଅଗ୍ନିପଥ ଅତିକ୍ରମେ ଦୁଃସାହସୀ
ସହନଶୀଳତା ତୁଷ୍ଟ
ଆଜି ଏ ଓଡିଆ ଭୁଲି ସଂସ୍କୃତି ପରମ୍ପରା
କରୁଛି ଯେଉଁ ନାଟ ।
ଦେହ ସହୁ ନାହିଁ ଆଣିବାକୁ ଫେରାଇ
ଅଗ୍ନିପଥ ଲାଗେ ବାଟ
ଅଗ୍ନିପଥଶ୍ରାନ୍ତ କରି ବୟସ୍କ ନାୟାନ୍ତ
ଦେଖି ଶୁଣି ଯିବେ ମଠ ।
ପାଶ୍ଚାତ୍ୟ ପଥକୁ ଆପଣେଇବାକୁ
ବନ୍ଧନର ନାହିଁ ଶିକୁଳି କବାଟ
ଅଗ୍ନିପଥ ଥିଲା ନାରୀର ସତୀତ୍ୱ ପୁରୁଷ
ମାରେ ଆଜି ବାହୁସ୍ପୋଟ ।
ନାରୀ ଆଚରଣ ଉଚ୍ଚାରଣ ଅକାରଣ
ଦେଖି ଲାଗେ କାବାକାଠ
ଅଗ୍ନିପଥ ଗଢି ସ୍ଵାଧୀନତା ବାଡ଼ି ଓ ଛଡି
ଦେଇଗଲେ ଯିଏ ପିନ୍ଧେଇ ଖାଲି ମୁକୁଟ ।
ଆଦର୍ଶ ନମାନି ତାଙ୍କ ହୃଦୟ ଚିରି
ଅଗ୍ନିପଥ ଆଜି ମୁକୁଳା ଗୁମୁଟ
ଜଗା ସବୁ ଜାଣି ଯଦି ଲଗାଉଛି ନାଟ
କିଏ ଆଉ ଜାଣିବ ଅଗ୍ନିପଥର କପଟ
ତଥାପି ଅନେକ ଆଜି ବି ଅଛନ୍ତି
ମହତ ପଣରେ ଚାଲନ୍ତି ଅଗ୍ନିପଥ ।