ଅଧୁରା ସ୍ୱପ୍ନ
ଅଧୁରା ସ୍ୱପ୍ନ
ସ୍ୱପ୍ନ କୁମାର ହେ ସ୍ୱପ୍ନରେ ଆସିକି
ସ୍ୱପ୍ନ ମିସା ଖୁସି ଦିଅ
ସ୍ୱପ୍ନରେ ସମ୍ପୁର୍ଣ୍ଣ ନିଜସ୍ବ ହେଉଛ
ବାସ୍ତବେ ଉଭେଇ ଯାଅ ।
କେଉଁ ଦେଶ ରାଜା ସ୍ୱପ୍ନରେ ଆସୁଛ
ବାସ୍ତବ ହୁଏନା ସ୍ୱପ୍ନ
ପକ୍ଷୀ ରାଜ ଘୋଡା ଚଢିଆସ ତୁମେ
କ୍ଷଣକେ ଧର ମୋ ହାତ ।
ଅନୁଭବ ଦିଅ ହୃଦୟରୁ ତୁମ
ହୃଦୟକୁ ଖୋଲି ଦିଅ
ଯତ୍ନରେ ହୃଦୟ ଢାଳି ମୋ ହୃଦୟେ
ମୋ ହୃଦୟେ ସ୍ଥାନ ପାଅ ।
ବିନା ବରଷାରେ ଭିଜେ ମୋ ଶରୀର
ନିଆଁ ବିନା ଦେହ ତାତେ
ଲଜ୍ଜାରେ ଆଚ୍ଛାଦ ଶରୀର ଟି ମୋର
ବେଲଜ୍ୟା ଆବୃତ୍ତି ସତେ ।
କି ପ୍ରକାର ପ୍ରେମ କି ପ୍ରଣୟ ପ୍ରିୟ
ମୋ ଦେହେ ବରଷି ଯାଅ
ଅସରନ୍ତି ତୁମ ସ୍ପର୍ଶ ବାର୍ତ୍ତାଳାପ
ଗୋପନ ପିରତି ଦିଅ ।
ଚତୁର୍ଥ ପ୍ରହର ପୂର୍ବରୁ ପ୍ରିୟ ହେ
ସ୍ଥାନ ପରିତ୍ୟାଗ କର
ଯନ୍ତ୍ରଣା ଘୋଟଇ ତୁମ ବିଚ୍ଛେଦର
ବଞ୍ଚି ଥାଉ ଥାଉ ମାର ।
ଶୀତଳ ପଡିଲା ପ୍ରଣୟ ଶରୀରୁ
ଖୋଲି ଯାଏ ଚକ୍ଷୁ ବନ୍ୟା
ମରିଚିକା ପରି ତୁମ ଆପଣାର
ମୁଁ କି ଅମାବାସ୍ୟା କନ୍ୟା ।
ସ୍ୱପ୍ନ ମୋର କେବେ ସତ୍ୟ ନହୁଅଇ
ସକାଳେ ତୁମେ ନଥାଅ
ସ୍ୱପ୍ନ ମୋର ସ୍ୱପ୍ନ ହେଇ ରହିଯାଏ
ଅସଂଖ୍ୟ ବେଦନା ଦିଅ ।