ଅବୁଝା ମଣିଷ

ଆଜିର ମଣିଷ ଅବୁଝା ହେଲେଣି

ତାଙ୍କୁ ବୁଝାଇବ କିଏ ।

କୁଳ ରକ୍ଷା ପାଇଁ ପୁଅ ଖୋଜୁଛନ୍ତି

କନ୍ୟା ହେଲେ ମାରି ଦିଏ ।

ପୁଅ ପାଇଁ ପୁଣି ବୋହୂ ଖୋଜୁଛନ୍ତି

କୁଳ ରକ୍ଷା ହେବା ପାଇଁ ।

କନ୍ୟା ରତ୍ନ ଟିଏ ଘରେ ଜନ୍ମ ହେଲେ

ମନ ହୁଏ ହାଇଁ ପାଇଁ ।

କନ୍ୟା ରତ୍ନ ଯଦି ଲୋପ ପାଇଯିବ

ବୋହୂ ବା କେଉଁଠୁ ପାଇବ ।

ପୁଅ ବଦଳରେ ପୁଅ ଟିଏ ଆଣି

କୁଳ କି ରକ୍ଷା ପାଇବ ।

ସତର୍କ ହୁଅ ରେ ଅବୁଝା ମଣିଷ

କନ୍ୟା କୁ ସୁରକ୍ଷା ଦିଅ ।

କନ୍ୟା ରତ୍ନ ଯଦି ମୂଳପୁଛ ହେଲା

କେମିତି ବଞ୍ଚିବ କୁହ ।

ମାଆ ଦରକାର ଭଗ୍ନୀ ଦରକାର

ବୋହୂ ଟିଏ ଦରକାର ।

କନ୍ୟା ବଂଶ ଯଦି ଲୋପ କରିଦେବ

କେମିତି ଚାଲିବ ସଂସାର ।

ମାନବ ସମାଜ ଲୋପ ପାଇଯିବ

ସବୁଦିନ ପାଇଁ ଧରାରୁ ।

ମଣିଷ ଶବ୍ଦ ଟି ସବୁଦିନ ପାଇଁ

ଲିଭିଯିବ ଏ ସଂସାରୁ ।