ଅଭୂଲା ସେ ଅନୁଭୂତି
ଅଭୂଲା ସେ ଅନୁଭୂତି
ସମ୍ପର୍କରେ ବାନ୍ଧି ତୁମେ ନିଜସ୍ୱ କରିଲ
ଅତ୍ୟନ୍ତ ଭାବନା ପୂର୍ଣ୍ଣ ଅନୁଭୂତି ଦେଲ ।
ସଜଫୁଟା କୁଆଁରୀ ମନକୁ ଚୋରି କଲ
ଆଷାଢର ବାରିପରି ପ୍ରେମ ଢାଳି ଦେଲ ।।
ଲଜ୍ଜାରେ ମୁଁ ମରିଯାଏ ତୁମ ଆଗମନେ
ଆଖିରେ ଇଶାରା କର କ୍ଷଣେ ପ୍ରତିକ୍ଷଣେ ।
ବହୁ ପ୍ରତିକ୍ଷାରେ ମନ ପ୍ରତିକ୍ରିୟା ଜାଣେ
ଅଭିଯୋଗ ଅଭିମାନେ ସମ୍ପର୍କ ମୁଁ ଜାଣେ ।।
ଅସୁମାରୀ ସ୍ବପ୍ନ ମୋର କ୍ଷଣେ ପୂର୍ଣ୍ଣ କର
ଆଲିଙ୍ଗନ ନିବିଡ ତ ନିଆରା ତୁମର ।
ମାନଭଞ୍ଜନ ଯେ କର ମାନ ଭାଙ୍ଗି ମୋର
ଅନୁଦାନେ ଅବଶୋଷ ସବୁ ପୂର୍ଣ୍ଣ କର ।।
ହସରେ କୁହୁକ ତୁମ ବନ୍ଦୀ କରେ ମତେ
ଅଳ୍ପ ଅଳ୍ପ ହସି କଥା ହୁଅ ସୁଚିନ୍ତିତେ ।
ବାନ୍ଧି ରଖ ତୁମେ ସଦା ପ୍ରେମ ଡୋରେ ମତେ
ତୁମ ଇସାରାରେ ମୁଁ ତ ନାଚୁଥାଏ ସତେ ।
ଅଦୃଶ୍ୟ ହୃଦୟ ସ୍ପର୍ଶୀ ଅଦ୍ଭୁତ ଇଶାରା
ଦାନେ ଦାନ ଦେଇଦିଅ ତୁମ ମନ ପରା ।
ତୁମ ବିନା ମୋ ଜୀବନ ହୁଏତ ଅଧୁରା ।
ରୋକି ବାର ଶକ୍ତି ନାହିଁ ଆନ ମନା ପରା ।।
ବିରହ ବିଚ୍ଛେଦ କେବେ ନ ଆସୁ ମନରେ
ସୂର୍ଯ୍ୟ ପରି ଉଇଁବ ଯେ ପ୍ରତି ମୂହୁର୍ତ୍ତରେ ।
ମନ ପୁଷ୍ପାଞ୍ଜଳୀ ମୋର ମଉଳି ଯିବରେ
ଯଦି ଛାଡି ଯିବ ମତେ ଏକା କରି ବାରେ ।
ଝରକାର ଆରପାଖେ ଜୀବନ ମୋ ଯାଉ
ତୁମ ବିଚ୍ଛେଦର ନିଆଁ ଲାଗି ତ ନ ଯାଉ ।
ଏତିକି ମାଗୁଣି ମୋର ତୁମ ମନେ ଥାଉ
ନିର୍ଝରିଣି ପ୍ରେମ ମୋର ତୁମ ମନ ପାଉ ।।