Library
ଅଭିମନ୍ୟୁ ସାମନ୍ତ ସିଂହାର
ଅଭିମନ୍ୟୁ ସାମନ୍ତ ସିଂହାର
ରାଜା ଇନ୍ଦ୍ରଜିତ ,ଅଷ୍ଟମ କଳତ୍ର
ତୁଳସୀ ଦେବୀ ତା ନାମ୍ନୀ
ନିସନ୍ତାନ ଗୃହେ ଶ୍ରୀକୃଷ୍ଣ ପରାଏ
ଜନମିଲେ ଜ୍ଞାନମଣୀ
ଅଭିମନ୍ୟୁ ନାମକୁ ଯେ ଘେନି
ଜିଲ୍ଲା ଜୟପୁର ରାଜ ପରିବାର
ସାହିତ୍ୟର ଶିରୋମଣି ।
ସାହିତ୍ୟ ଭାଷାର କାବ୍ୟ ସେ ଲେଖିଲେ
ସବୁରି ହୃଦୟ ଜିଣି
ବିଦଗ୍ଧ ଉପାଧି ପରିଚୟେ ସାଧି
ବିଦଗଧ ଚିନ୍ତାମଣୀ
ରଚି କାବ୍ୟ ପ୍ରେମ ତରଙ୍ଗିଣୀ
ରସବତୀ ପ୍ରେମ କଳା ସୁଲକ୍ଷଣା
କାବ୍ୟ ପ୍ରେମ ଚିନ୍ତାମଣି ।
ଗାଉଁଲି ଭାଷାରେ ଲିଖନୀ ମୁନରେ
ବୋଲେ ହୁଁ କାବ୍ୟ ଗ୍ରନ୍ଥ
ବାଘ ଗୀତା ପୁଣି ସେ ଚଢ଼େଇ ଗୀତ
ରସ ପୂର୍ଣ୍ଣ କିଣେ ଚିତ୍ତ
ରଖି ଯୁଗେ ଯୁଗେ ଅମରତ୍ଵ
ଅଳପ ବୟସେ ପାଣ୍ଡିତ୍ୟ ଆକାଶେ
ଧ୍ରୁବ ତାରା ସମ ସତ୍ୟ ।
ସାହିତ୍ୟ ଭାଷାରେ ରତ୍ନ ତାରକାରେ
ପାଇଥିଲେ ସେହୁ ସ୍ଥାନ
ସାହିତ୍ୟିକ ବନ୍ଧୁ ଭୁଲି ନ ଯାଆନ୍ତୁ
ସାମନ୍ତ ସିଂହାର ପ୍ରେମ
କାବ୍ୟ ଖଞ୍ଜା ଅଳଙ୍କାର ମାନ
ପଢ଼ି କାବ୍ୟ ପ୍ରେମୀ ହୋଇଥାନ୍ତି ଜ୍ଞାନୀ
ଲଭନ୍ତି ଅମୂଲ୍ୟ ଧନ ।
ହରି ନିଏ କାଳ ପାର୍ଥିବ ଶରୀର
ପାଣ୍ଡିତ୍ୟ ଅମର ରୁହେ
ଅସମ୍ପୂର୍ଣ୍ଣ ଭାଷା ପୂର୍ଣ୍ଣ ପରି ଭାଷା
ସାହିତ୍ୟେ ମଳୟ ବୁହେ
ସ୍ୱର୍ଣ୍ଣlକ୍ଷରେ ଲିପିବଦ୍ଧ ରୁହେ
ଯୁଗ ଯୁଗ ପାଇଁ ସାହିତ୍ୟ ହରାଇ
ଗୁମୁରି କାନ୍ଦଇ କୋହେ ।
