ଲାଇବ୍ରେରୀ
ପ୍ରୋଫାଇଲ୍
ଆଷାଢ଼ ଆସିଛି
ଆଷାଢ଼ ଆସିଛି
1 min
394
ଋତୁ କନ୍ୟା ଏହି ଆଷାଢ଼ ଆସିଛି
ସର୍ବରୀ ଓଠରେ ହସ
ଶାଗୁଆ କାନିରେ ଭରିଛି ଅକ୍ଷତ
ମହ ମହ ମାଟି ବାସ
ଆଞ୍ଜୁଳାରେ ଧରି ପୂର୍ଣ୍ଣ ପୁଷ୍ପାଞ୍ଜଳି
ହୋଇଛି ସେ ପରକାଶ
ଋତୁ କନ୍ୟା ଏହି ଆଷାଢ଼ ଆସିଛି
ସର୍ବରୀ ଓଠରେ ହସ......
ମିଶିବାକୁ ଇଛା ମିଳନ ଲଗ୍ନରେ
ଆକାଶରେ ଘନ ମେଘ
ତିନ୍ତାଈ ଦେବାକୁ ମନେ କରି ପଣ
ଗାଏ ପ୍ରଣୟର ରାଗ
ହସେ ଇନ୍ଦ୍ରଧନୁ ମୁରୁକି ହସରେ
ଧରିତ୍ରୀ ର ସହବାସ
ଋତୁ କନ୍ୟା ଏହି ଆଷାଢ଼ ଆସିଛି
ସର୍ବରୀ ଓଠରେ ହସ.......।
ମିଳନର ଏହି ମଧୁ ପାର୍ବଣରେ
ବିଭୋର ହୋଇଛି ପ୍ରାଣ
ପାଦପ ପାରିଛି କୋମଳ ଗାଲିଚା
ମାରିଲା କେ ଫୁଲ ବାଣ
ଶୁଭୁଅଛି ଧୀରେ ଦୁରୁ କି କାହାର
ଡାକୁଛି କେ ଆସ ଆସ
ଋତୁ କନ୍ୟା ଏହି ଆଷାଢ଼ ଆସିଛି
ସର୍ବରୀ ଓଠରେ ହସ.....।।
