ଆମର୍ ପୁଷପୁନି ତିହାର୍

ପୁଷ ମାସର ପୁଷ ପୁନି

 ବଡ଼ଖା ତିହାର୍ ଭାଇ ଆମର୍

 ଖାଇ ପିଇ କରି ମଜା ନିଅ

 ପରବ୍ ଗୁଟେ କେଡେ ସୁନ୍ଦର୍ ll

 

ଝୁଲା ମୁନା ଗୋଟେ ଧରି କରି 

ଚାଲ ଜିମା ମାଗି ଛେର୍ ଛେରା

ସଂସ୍କୃତି ଭିତ୍ରେ କେଡେ ସୁନ୍ଦର୍ 

କେଡେ ସୁନ୍ଦର୍ ପରମ୍ପରା ll

ଘର୍ ଘର୍ ବୁଲି ପରା ପରା

ସାଙ୍ଗର୍ ଜୁଲି ମାନ୍ କର୍ ସାଙ୍ଗେ

ଛେର୍ ଛେରା ଗୀତ୍ ସଂଗେ ସଂଗେ

ନାଚୁଥିମା କେଡେ ଢଙ୍ଗେ ll

ଖିରି ପିଠା ମଡ଼ା ବନେଇ କରି

ଖାଅ ହୋ ସର୍ଦା ମନେ

କୁକୁଡ଼ା ମାଂସ ଶିକାର୍ ଝୋଳ୍

ମୁଲ କଥା ଇ ଦିନେ ll

ଭାବର୍ ପୁଷ ପୁନି ଭାବ୍ ନେଇ କରି

ଆଇଛେ ଆମର୍ ଗାଁ

ଭାବ୍ ଦିଆ ନିଆ ସରଗର୍ ସୁଖ୍

ମିଳିମିଶି ରହି ଥିମା ll