ଆମେ ହୋଇବୁ ଜଗତଜିତା

ନିଜ ହାତେ ନିଜେ

ଗଢିବୁ ଏ ଦେଶ ନହୋଇ ଅପାରଗତା

ଆମେ ହୋଇବୁ ଜଗତଜିତା !!

ଦୂରିତ କରିବୁ ଅନାହାର ଦୁଃଖ

ଦୂର କରିଦେବୁ ଅବ୍ୟବସ୍ଥା

ଆମେ ହୋଇବୁ ଜଗତଯିତା !!

ବିଶ୍ୱଦରବାରେ ଶ୍ରେଷ୍ଠ ବୋଲାଇବୁ

ବଜାଇ ରଖିଥିବୁ ଅଖଣ୍ଡତା

ଆମେ ହୋଇବୁ ଜଗତଜିତା !!

ଏ ମାଟି ମାଆର ଗୌରବ ଗାଇବୁ

ଭାଙ୍ଗି ସବୁ ନିରବତା

ଆମେ ହୋଇବୁ ଜଗତଜିତା !!

ଆମେ ଭବିଷ୍ୟତ ଏ ବୀର ମାଟିର

ଆମ ହାତରେ ଉନ୍ନତି ସୁତା

ଆମେ ହୋଇବୁ ଜଗତଜିତା !!

ଏ ଦେଶେ ଜନମି ହେଲୁ ଆମେ ଧନ୍ୟ

ଜୟ ଜୟ ହେ ଭାରତ ମାତା

ଆମେ ହୋଇବୁ ଜଗତଜିତା !!