ଆମ ଅଧୀକାର
ଆମ ଅଧୀକାର
ଅଧୀକାର, ଶବ୍ଦଟି କ୍ଷୁଦ୍ର ହେଲେ ,
ଅନ୍ତର୍ନିହିତ ଵ୍ୟାଖ୍ୟା ଗଭୀର।
କୌଣସି ଅଧୀକାର ମିଳେନି ସହଜରେ,
ସେ ଘରେ ହଉ କି କର୍ମ କ୍ଷେତ୍ରରେ କି ସମାଜରେ।
କଉଠି ଅଧୀକାର ମିଳିବା ସହଜ ,
ତ କଷ୍ଟସାଧ୍ୟ ତାକୁ ବନ୍ଚେଇ ରଖିବା,
କଉଠି ପ୍ରମାଣ କରିବାକୁ ପଡେ ନିଜ ଯୋଗ୍ୟତା,
ତ କଉଠି କରିବାକୁ ପଡେ ଲଢେଇ।
ଆଜିକାଲି ଲୋକ ଅନ୍ୟ ର ଅଧୀକାର ନବାକୁ ଛଡେଇ,
ବସିଛନ୍ତି ଚିଲ ଜଗି ଥାଏ ଆହାର ପାଇଁ,
ସବୁଠି ଅଧୀକାର ପାଇଁ କରିବାକୁ ପଡୁଛି ଲଢେଇ,
କଉଠି ଏକାକୀ ତ ପୁଣି କୋଉଠି ସଂଘବଦ୍ଧ ହୋଇ।
ଜୀବନର ପ୍ରତି ସୋପାନ ର ଅଧୀକାର ଭିନ୍ନ,
ବଦଳି ଚାଲେ ତାର ମାନ୍ୟତା ଓ ମହତ୍ବ,
କେତେ ଅଧୀକାରକୁ କରିବାକୁ ପଡେ ହସ୍ତାନ୍ତର,
ଏହାହିଁ ମନୁଷ୍ଯ ଜୀବନର ସତ୍ଯ।