ଆଖି ଲୁହ ଧାର ଆଖିରେ ମରୁଛି

ଆଖି ଲୁହ ଧାର ଆଖିରେ ମରୁଛି

   ପୋଛିଲେ ପୋଛି ହୁଏନା,

ହୃଦୟ ଭିତର ବୁକୁ ଫଟା ଦୁଃଖ

   ଦେଖି ବି ଦେଖି ହୁଏନା,

ପ୍ରଭୁ, ଭାଗ୍ୟେ ଏ କି ବିଡମ୍ବନା, l0l

ନିଜ ରକ୍ତ ଆଜି ଯୁଇରେ ଶୋଉଛି

   ଦେଖିବା ସାତ ସପନ,

ମୁଖା ଅଗ୍ନି ନାହିଁ ଅସ୍ଥି ଖଣ୍ଡେ ନାହିଁ

   କେମିତି ହୋଇବ କର୍ମ,

ବନ୍ଧୁ ସାହି ଭାଇ ଆହା ପଦେ ନାହିଁ

    କାହିଁକି ଏତେ ଯାତନା, l1l

ଜନମ ଭୂଇଁରେ ଗାଁ ମଶାଣିରେ

    ଚିତା ତ ଆଉ ଜଳେନା,

ଛ ଖଣ୍ଡ ବାଉଁଶ ଯାଉନି ଦେବେଶ

    ରାମ ନାମ ବି ଶୁଭେନା,

ଦୁଃଖ ପରେ ଦୁଃଖ କେତେ ଦେବୁ ଦୁଃଖ

    କେତେ ଯେ ଦେବୁ ବେଦନା, l2l