ଆଜ୍ଞା ନମସ୍କାର

ଆଜ୍ଞା ନମସ୍କାର  ପାଇଁ ପୁରସ୍କାର 

   ଭାବ ପ୍ରେମ ଭକତିର 

ତୁମ କଥା ମୋର  ପଡେ ବାରମ୍ବାର

    ତୁମେ ପ୍ରିୟ ସଭିଙ୍କର ll

ତୁମେ କର୍ମବୀର  ତୁମେ ଯେ ସୁନ୍ଦର

    ତୁମେ ଅଟ ଶ୍ରେଷ୍ଠ ନର 

ହୃଦୟ ତୁମର  କେତେ ସରଳର

    ତୁମେ ସବୁ ପାରିବାର ll

ତର୍ଜମା ଗୁଣର ଦେଇ ଉପମାର

    ମନ ତୋଷେ ଚାଟୁକାର

କାର୍ଯ୍ୟ ହାସଲର ଆଜ୍ଞା ନମସ୍କାର

    ତରିକା ଯେ ଫନ୍ଦିବାର ll

ଦେଇ ନମସ୍କାର  ନହେବା କାମର 

    ପଥ ହୁଏ ସୁଗମର

ନୀତି ଅନୀତିର  କରେନି ବିଚାର

    ପାଏ ଯିଏ ନମସ୍କାର ll

ଆଗେ ସମ୍ମାନର ପଛେ କପଟର

    କରେ ପୁଣି ତିରସ୍କାର

କଥାରେ ମଧୁର  ଗୁଣଯେ କଠୋର

    ଦେଖି ଚାହିଁ କାମ କର ll

ପଥ କର୍ତ୍ତବ୍ୟର ସଦା ନିର୍ମଳର

   ନୀତି ରୀତି ସାଧୁତାର

ନୁହେଁ ଭୁଲିବାର ଯେ ସତ୍ୟ ଧର୍ମର

   କର୍ମ ଏକା ଆପଣାର ll

ଶୁଣି ନମସ୍କାର କରନି ନିଜର

   ଅନ୍ତରାଳେ ଠକିବାର

ଉଦ୍ଦେଶ୍ୟ ତାହାର ଆଗେ ଚିନ୍ତାକର

   ପରୀକ୍ଷା କର ଭକ୍ତିର ll

ଆଜ୍ଞା ନମସ୍କାର ଆଜ୍ଞା ନମସ୍କାର

   ଉକ୍ତି ଅଟେ ଭିଲେନର

ଅତି ଭକ୍ତି ଚୋର ଲକ୍ଷଣ ତାହାର

   ବୁଝେ ଯିଏ ମହାନର ll