ଆଜିର ଛାତ୍ର,ଛାତ୍ରୀ ଓ ନାରୀ
ଆଜିର ଛାତ୍ର,ଛାତ୍ରୀ ଓ ନାରୀ
ଅଜୟ ବିଜୟ ଖୁସିରେ ପାଗଳ,
ଛୁଟିଥିଲା ବିଦ୍ୟାଳୟ:
ଅଜୟ କହୁଛି ସାଙ୍ଗରେ ବିଜୟ,
ବଜାୟ ରହୁ ପ୍ରଳୟ::
ଆଉ ଦୁଇ ଦିନ ବଅନ୍ଧ ହୋଇଲେ,
ଆମର ଏହି ଓଡିଶା:
ଯିବାନି ଇସ୍କୁଲୁ, ଖେଳରେ ମାତିବା,
କରିବା ଥଟା ତମାଶା::
ବିଜୟ କହିଲା ଭାଇରେ ଅଜୟ,
ଜାଣିଛୁ କାନ୍ଦୁଲି କଥା:
ମରିଯାଇଛି ରେ ଆଦିବାସି ଝିଅ,
ଧର୍ଷିତ ନାରୀର ବ୍ୟଥା::
ସହି ପାରିନାହିଁ ସମାଜର ନିନ୍ଦା,
କରିଛି ଆତ୍ମାର ହତ୍ୟା:
ଅଜୟ କହୁଛି, ଦୈନିକ ମରନ୍ତୁ,
ନାହିଁ ବରଷାର ବାତ୍ୟା::
ବରଷା ଦିନରେ, ବାତ୍ୟାର ପ୍ରକୋପେ,
ମିଳୁଥିଲା ବାତ୍ୟା ଛୁଟି:
ଆଜି ଛୁଟି ପରି ଆସୁ ଦୈନ ଦିନ,
ଉଡେଇବୁ ଧୂଳି ମାଟି::
ବିଜୟ କହିଲା ନାହିଁରେ ଅଜୟ,
ଆତ୍ମହତ୍ୟା ମହାପାପ:
ଦୁଷ୍କର୍ମ ବିରୁଦ୍ଧେ ଲଢ଼ିବା ସର୍ବଦା,
ନହେଲେ ପାଇବ ସାପ::
ନାରୀ ଯେ ଭଉଣୀ, ନାରୀ ଅଟେ ମାଆ,
ନାରୀ ସମ୍ମାନ ସୁରକ୍ଷା:
ଓଡିଶାର ନାରୀ ହେବ ସୁରକ୍ଷିତ,
ସଂଗ୍ରାମ ସହ ପ୍ରତୀକ୍ଷା::
ବାପାଟିଏ କେବେ ଚିନ୍ତାରେ ନରହୁ,
ଝିଅଟେ ଜନମ କରି:
ଆଖିର ନଜର ବଦଳାଇ ଦେଲେ,
ଦେବୀପରି ଲାଗେ ନାରୀ::
************((ମହେଶ୍ୱର ସାହୁ))*********
ଗୋପୀବିନ୍ଧା, ବ୍ରାହ୍ମଣ ଗାଁ,
ବାଲେଶ୍ଵର(ଭଦ୍ରକ)