ଆହେ ଜଗନ୍ନାଥ

ରୂପ ତୁମ ପାରିଜାତ ହସ ତୁମ ପଞ୍ଚାମୃତ

ହେ ଜଗତର ନାଥ

ହସରେ କୋଇଲି କୁହୁ ଆଖିରେ ମିଠା ମହୁ

ହେ ପଥ ପାଥେୟ ସତ୍ୟ ll

ଗମ୍ଭୀରାରେ ରହି ଭକ୍ତର ଗୁହାରୀ ଶୁଣ ହରି

ହେ ମଧୁସୂଦନ ତାତ

ରତ୍ନ ସିଂହାସନେ ଥାଇ ଜନ୍ମବେଦୀ ଭଜୁଥାଇ

ହେ ଚକାଆନୟନ ନିତ୍ୟ ll

ଅଗତିର ଗତି ଭକ୍ତ ଭାବ ଭକ୍ତି ଡୋର ଶକ୍ତି

କୈବଲ୍ୟ କଣିକା ଭୋଜନେ ତୃପ୍ତ

ଗରବ ଗଞ୍ଜନ ହେ ମଧୁସୂଦନ କେବେ ରାମରୂପେ

ଦିଅ ପ୍ରଶାନ୍ତି ଅମୃତ ll

ଗୋପ ପୁରେ ନନ୍ଦ ରାଜା ଘରେ ଗୋପାଳ ରୂପେ

ମନ ହୃଦୟ ଶାନ୍ତି ପ୍ରଯ୍ୟାପ୍ତ

ଆରକ୍ଷର ରକ୍ଷ ଆହେ ଦୀନବନ୍ଧୁ କୃପାସିନ୍ଧୁ

ଘେନ ପ୍ରଣତି ଦିଅ ମୁକ୍ତି କରେ ପ୍ରଣିପାତ

ତୁମ ଅବଢ଼ା ଅନ୍ନରେ ମନ ତୁମ ତୁଳସୀ ଚନ୍ଦନେ ଧନ୍ୟ

ଚିରନ୍ତନ ଗୀତ ସତ୍ୟ ll

ତୁମ ଚାରିକ୍ଷର ନାମ ତୁମ ଚାରିବେଦର ଧାମ

ଚିର ଶାଶ୍ୱତ ତୁଲ୍ୟ ଅମୃତ

ତୁମେ ବ୍ରହ୍ମନାଦ ତୁମେ ଶଙ୍ଖଭେଦ ତୁମେ ନାଦବ୍ରହ୍ମ

ମୁକ୍ତି ଶାନ୍ତି ପ୍ରୀତି ମୈତ୍ରୀରେ ଭିଭାଜିତ ll

ହେ ଜଗନ୍ନାଥ ହେ ଜଗନ୍ନାଥ ହେ ଜଗନ୍ନାଥ

ଓଁ ହ୍ଲି କ୍ଲିଙ୍ଗ ସ୍ବସ୍ତି ଶାଶ୍ୱତ ସତ୍ୟ

ବରଷା ବତାସ ମେଘ ମୌସୁମୀ ଲଗୁଚାପେ

ତୁମେ ରଖ ଘଣ୍ଟ ଘୋଡାଇ ନିଶ୍ଚିତ  ll