ଆହା ମୋ ନନ୍ଦ କୋଳେ ଗୋବିନ୍ଦ
ଆହା ମୋ ନନ୍ଦ କୋଳେ ଗୋବିନ୍ଦ
ଆହା ମୋ ନନ୍ଦ କୋଳେ ଗୋବିନ୍ଦ
କେତେ ନାଚ ଗୀତ ଗୋପେ ଆନନ୍ଦ
ଆଲୋଜ ଲିଭେନି ଆସେନି ନିଦ
ସବୁରି ମୁହଁରେ ଗୋଟିଏ ପଦ
ଆହା ମୋ ନନ୍ଦ କୋଳେ ଗୋବିନ୍ଦ ।
ନନ୍ଦ ଗେଲ କରେ ବାଳ ମୁକୁନ୍ଦ
କୋଳେ ଉଇଁ ଅଛି ପୁନେଇଁ ଚାନ୍ଦ
ଅମା ଅନ୍ଧକାର କ୍ଷଣିକେ ନାଶେ
ପୁନେଇଁ ଆସେ ଗୋପ ଆକାଶେ
ଆସିଛି ବୋଲି ତ କଳା ଗୋବିନ୍ଦ ।
ମିଠା ଖସା ଲଡ଼ୁ ଭାରକୁ ଭାର
ମିଷ୍ଟାନ୍ନ ସହିତେ ଲବଣି ସର
ସୁନା ରୁପା ହୀରା କେତେ ସମ୍ପଦ
ବାଣ୍ଟୁଛି ନନ୍ଦ, ହୋଇ ଆନନ୍ଦ
ବୃଦ୍ଧ କାଳେ କୋଳେ ଉଦି୍ୟାଚାନ୍ଦ ।
ନାମ କରଣର ଅପୂର୍ବ ଵିଧି
ପାଇ କୋଳେ ନନ୍ଦ ଅମୁଲ୍ୟ ନିଧି
ରାଜସଭା ଆଜି ବଡ଼ ଆନନ୍ଦ
ରାଇ ରାଜଗୁରୁ, ପଣ୍ଡିତ ବୃନ୍ଦ
ଭାସି ଆସେ ଗୋପେ ବାଂଶରୀ ନାଦ ।
ଗୋପେ ମକରନ୍ଦ ମଥୁରା ମନ୍ଦ
କି କୁଟ କରିଲେ ବାଳ ମୁକୁନ୍ଦ
ମାମୁଁ କଂସାସୁର ଗଣେ ପ୍ରମାଦ
ରାଇ ବକା କେସି ଅସୁର ବୃନ୍ଦ
ଯୋଜନା କରଇ ମରଣ ଫାନ୍ଦ l