Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

tikeshwar sahu

Abstract


4.0  

tikeshwar sahu

Abstract


ଆଧୁନିକତା

ଆଧୁନିକତା

1 min 129 1 min 129


କାବ୍ୟ କବିତାରେ ସ୍ପଷ୍ଟ ବାରିହେଲା

ଆଧୁନିକତାର ଛାପ,

କବି ରାଧାନାଥ ଆରମ୍ଭ କରିଲେ

ନୂତନ ଯୁଗର ରୂପ |୧|

ଫକିର ମୋହନ ଉପନ୍ୟାସ ଆଉ

 ଗଳ୍ପ ସାହିତ୍ୟରେ ଆଭା,

ବିକଶିତ କଲେ ନୂତନ ସୃଷ୍ଟିର 

ଆଧୁନିକତାର ପ୍ରଭା |୨|

ସାହିତ୍ୟର ରୂପ ବଦଳି ଚାଲିଲା

ପାଦ ଦେଇ ଧିରେ ଧିରେ,

ଆଧୁନିକତାର ପରଶ ଲଭିଣ

ଭାସିଗଲା ଭାଷା ନୀରେ |୩|

ଯେତେ ନୂଆ ରୂପ ରଙ୍ଗ ସଉରଭ

ପିନ୍ଧିଲେ ସାହିତ୍ଯ ରବି,

ଛାନ୍ଦ ଅଳଙ୍କାର ଚଉପଦୀ ଚମ୍ପୁ

ଛାଡ଼ି କି ପାରଇ କବି |୪|

ବେଶ ପୋଷାକରେ ଖାଦ୍ୟ ଚଳଣିରେ

ଆଧୁନିକତାର ଛାପ,

ଦିନକୁ ଦିନ ତ ବଦଳି ଚାଲିଛି

ଗଣି ହୋଇଯାଏ ଗପ |୫|

ପର ଆଧୁନିକ ଯୁଗର ପ୍ରଭାବ 

 ଯୁବକ ଗଣରେ ଛାଏ,

ବେଶ ପୋଷାକରୁ ଚୁଟି କଟାଯାଏ

ଆଖି ଖୋସି ହୋଇଯାଏ |୬|

ତାହାକୁ ବର୍ଣ୍ଣିଲେ ଆଧୁନିକ ପିଲେ 

କବିଙ୍କ କଲମ ମୁନକୁ,

ମୋଡ଼ି ଭାଙ୍ଗିଦେବେ କାଗଜ ଚିରିବେ

ଶୋଧିନେବେ ସାତ ଜନ୍ମକୁ |୭|

ମାନୁଛି ମାନୁଛି ଆଧୁନିକତାର

ପଦଧ୍ବନି ଶୁଣିବାକୁ,

ଅଳପ ବହୁତେ ଆମେ ବୁଢ଼ାମାନେ 

ବାଧ୍ୟ ପଛେ ଧାଇଁବାକୁ |୮|

ବିଜ୍ଞାନର ଏହି ଜୟଯାତ୍ରା କାଳେ

ମଣିଷ ଗଢ଼ିଛି ଶଉଧ,

ତଥାପି ମଣିଷ ପୂରା ଅସହାୟ

କରୋନା ଯୁଦ୍ଧରେ ଗଧ |୯|

ସଂସାର ସୃଷ୍ଟିରେ ଯେତେ ଆଧୁନିକ

ହୋଇଥାଉ ଏ ମଣିଷ,

ପ୍ରକୃତି ଆଗରେ ହତବାକ ହୁଏ

ମୁଣ୍ତ ନୋଇ ମାଗେ ଆଶିଷ |୧୦|


Rate this content
Log in

More oriya poem from tikeshwar sahu

Similar oriya poem from Abstract