ଆବାହନୀ ସଙ୍ଗୀତ

ସଞ୍ଚରି ଯାଇଛି ଚତୁର୍ଦିଗେ ଶୁଷ୍କତାର ବାସ

ବରଷା ରାଣୀ ତୁମେ ଝରି ଆସ l

ନିଦାଘ ଉତ୍ତାପ କରିଛି ସକଳ ଗ୍ରାସ

ସଚରାଚର ଜୀବ ଲୋଡ଼ନ୍ତି ଶୀତଳ ପରସ l

ପଙ୍କ ତଳେ ଜଳଚର କଲେଣିଯେ ବାସ

ପ୍ରକୃତି ସୁନ୍ଦରୀ ହରାଇଛିତା ମନଲୋଭା ବେଶ l

ବୃକ୍ଷ ଲତା ଆଢୁଆଳେ ପଶୁପକ୍ଷୀ ବସି

ଶୀତଳ ଛାୟା ଇଚ୍ଛେ ଶତ୍ରୁତାକୁ ନାସି l

ଜଳଦର ନାହିଁ ଦେଖା ଶୂନ୍ୟ ଗଗନ

ଅଗ୍ନି ବରଷୁଛି ସତେ ଜଳନ୍ତି ତପନ l

ଛନ୍ଦ ତୋଳି ନାଚିବାକୁ ମୟୂରୀର ମନ

ମନଦୁଃଖେ ଗାଏ ସେତ ଆବାହନୀ ଗାନ l

ଶୁଷ୍କତରୁ ପଲ୍ଲବିତ ହେବେ ତଵ ସ୍ପର୍ଶେ

ଧରଣୀ ରାଣୀ ହସି ଉଠିବ ଉଲ୍ଲାସେ l

ବରଷା ରାଣୀର ସେଇ ମଧୂର ରାଗିଣୀ

ଉଛୁଳି ଉଠିବ ତଡାଗ,ସରସୀ,ତରଙ୍ଗିଣୀ l

ଆବାହନୀ ସଙ୍ଗୀତ କି ତୋଳେ ଇନ୍ଦ୍ରଧନୁ 

କାକର ସ୍ପର୍ଶ ଦୁଃଖ ଲିଭେଇଲା ମନୁ l