(୦୬)*ଫୁଲ ଫଗୁଣର ଋତୁ*ସ୍ମୃତି୨୦୨୦

ଫୁଲ ଫଗୁଣର ଋତୁ ଛୁଇଁ ଲାନି

             ଧରାକୁ ଏବର୍ଷ ଜମା

ଚଉଦିଗ ଖାଲି ଆଷାଢ଼ ଶ୍ରାବଣ

          ଦୁଃଖ ର ନଥିଲା ସୀମା ,

ଅୟୁତ ଯୁଗର ସାଇତା ସପନ

          ମାଟିରେ ମିଶିଲା ଯେତେ

ଗୁମୁରି ଗୁମୁରି ହୃଦୟ କାନ୍ଦିଲା

           ଉଜାଗରେ ରାତି ବିତେ,

କେତେ ଝଡଗଲା କେତେ ନଈ ବଢି

            ସମୟ ସାଥିରେ ବୋହି

କାଳର ଏମିତି କରାଳ ରୂପକୁ

            ଦେଖିତ ନଥିଲେ କେହି ,

ଅଧୁରା ରହିଗଲା ଫଗୁଣର ଗୀତି

            ମେଘ ଢାଙ୍କି ଦେଲା ଜହ୍ନ

ବିଜନ ବେଳାରେ ଆଖିପତା ତଳେ

              ବସି କାନ୍ଦୁଥିଲା ମନ ,

ଶୁଣିଛି ବିରହ ସୁଖ ଦିଏ କାଳେ

            ମନକୁ ସଂଜତ କଲେ

ହେଲେ ଏ ବିରହ କେବେ ଶେଷହବ

            ମଣିଷ ସତେକି ମଲେ......!