मी सैनिक भारत मातेचा

मला न कशाची तमा 

न लवलेश कुठल्या भीतीचा 

ऊन, पाऊस, ना दऱ्याखोऱ्या 

मी सैनिक भारत मातेचा ll1ll

सदैव हातावर शीर घेऊन 

फडशा पाडून शत्रूचा 

इंच ही ना देणार कुणाला 

असा पुत्र मी भारत भू चा ll2ll

हे भारत भू सांग मजला 

कसे फेडू हे पांग तुझे 

जीवनातल्या श्वासात तू

ध्यानी मनी स्वप्न तुझे  ll3ll

चिरडून टाकीन मी त्याला 

जो हात घालील तुझ्या अस्मितेला 

शेवटचा रक्ताचा थेंब ही तुझ्याचसाठी 

प्रणाम या सैनिकाचा भूमातेला ll4ll