व्यथा

नेता येतो हात जोडतो

आश्र्वासने देऊन मते मागतो //१//

सरकार येते सरकार जाते

शेतकऱ्यांची गरीबी तशीच राहते //२//

बायको बिचारी हिमतीने लढते

ख-या अर्थाने अर्धांगिनी होते //३//

फाटक्या संसारात आनंदात राहते

दु:ख गिळून लेकरांसाठी हसते //४//

पावसाच्या भरवशावर तो पिक पेरतो

निर्दयी पाऊसच खिल्ली उडवतो //५//

डोळ्यातील अश्रूंची कोण दखल घेतो

निसर्ग सुद्धा वा-यावर सोडतो //६//

कर्ज काढून तो पेरणी करतो

आभाळाकडं टक लावून पाहत राहतो //७//

पाऊसही निष्ठूर असा येतो

पेरलेलं सारं वाहून नेतो //८//