वृद्धावस्थेतील प्रेम
वृद्धावस्थेतील प्रेम
असले जरी वयात अंतर आपल्या
तरीही अजुनी प्रेमात अंतर आले नाही
पन्नास वर्षांपूर्वी तु कोरलेले तुझे नाव
अजूनही मनात कायम आहे
मी तुला पाहता क्षणी तुझा झालो होतो
एक तुला सोडून बाकी सारे जग विसरलो होतो
आज वयाची साठी ओलांडलीस तू
तरीही मला तू सोळा समान भासतेस
लाखात एक होतीस तू, लाखात एक आहेस तू
लाखात एक राहशील तू
वाळवंटी माझ्या आयुष्याला हिरवं रान तू केलंस
उन्हात सावली तुझे प्रेम
पावसाचा प्रत्येक थेंब तुझे प्रेम
गुलाबी थंडी तुझे प्रेम
माझ्या प्रत्येक श्वासावर
माझ्या हृदयाच्या प्रत्येक ठोक्यावर
माझ्या जगण्यावर, माझ्या प्रेमावर हक्क आहे तुझा
माझी तू आणि तुझा मी
अशीच राहो आपली साथ
जशी दिवा आणि वात