वरद विनायक

महड गावीचा | विनायक थोर ||

कृपा भक्तांवर | करीतसे   ||१||

स्वयंभू गणेश | मुर्ती आहे छान ||

नित्य वरदान |भक्तांप्रती   ||२||

भीम राजा शूर | होता दानशूर ||

उरी दु:खी फार | निपुत्रिक  ||३||

एकाक्षर मंत्र | जप त्याने केला ||

प्रसन्न जाहला | विनायक   ||४ ||

विनायक कृपे |पुत्र प्राप्ती खास ||

रुक्मांगद त्यास | नांव असे  || ५||

हेमाडपंती ते | मंदिर गावात ||

मुर्ती गाभाऱ्यात |शोभतसे  || ६||

चार भव्य हत्ती | सभोवती छान ||

मुर्ती ती महान |भक्तांना पावे ||७||

विनवितो तुज | जोडोनिया कर ||

धाव लवकर  | दास म्हणे    ||८ ||