विठ्ठल माझा

विठ्ठल माझा गाव विठ्ठल माझा भाव ।

हृदयी विराजे विठ्ठल माझा ।।

विठ्ठल माझा देव विठ्ठल माझी ठेव ।

अंतरीची तळमळ विठ्ठल माझा ।।

विठ्ठल माझी भक्ती विठ्ठल माझी शक्ती ।

चौ-याशीची मुक्ती विठ्ठल माझा ।।

विठ्ठल माझी निती विठ्ठल माझी मती ।

जन्माची पुण्याई विठ्ठल माझा ।।

विठ्ठल माझी माता विठ्ठल माझा पिता ।

तारक गुरु विठ्ठल माझा ।।

विठ्ठल माझी माऊली विठ्ठल मायेची सावली ।

दिनदयाळू विठ्ठल माझा ।‌।

विठ्ठल माझा राम विठ्ठल माझा शाम ।

जन्मभरीचा विश्राम विठ्ठल माझा ।।

विठ्ठल माझी इंद्रायणी विठ्ठल माझी चंद्रभागा।

पावन भिमाई विठ्ठल माझा ।।

पुजीन मी विठ्ठल गाईन मी विठ्ठल।

जपीन अखंडित विठ्ठल माझा।।