वचन देतो तुला

आहेस तू माझ्यासाठी खास वचन देतो तुला

दे शेवटपर्यंत साथ अधांतरी सोडून जाऊ नको मला../धृ/

मी तुझाच तू माझीच

अशीच साथ राहू दे कायमचीच

रोज स्वप्नात येते येशील ना सत्यात उतरवायला

दे शेवटपर्यंत साथ अधांतरी सोडून जाऊ नको मला..../1/

सखे तुझं माझं नातं

जरी जग नाही स्विकारत

तरी वेगळा थाटू संसार आपला

दे शेवटपर्यंत साथ अधांतरी सोडून जाऊ नको मला.../2/

तुझी माझी प्रीत सखे

गाईल गोडवे जग अख्खे

येशील ना सोबत प्रितीचे गीत गायला

दे शेवटपर्यंत साथ अधांतरी सोडून जाऊ नको मला.../3/