तूच पणती

ओझी वाढलीत तुज पाठीवरची

सखे तू तरीही वाकली नाही

तूच होती कणा, नसून मी पणा

तेव्हां ही अन् आजही........

तूच पणती अन् तूच तेल

तूच वात अन् तूच ज्योत

तुझा प्रकाश उजळणारा

आजही आहे अन् तेव्हां ही होता.......

आयुष्यातील मार्ग तुझा खडतर

मात्र तू दणकट अन् कणखर

सुख कणभर, दुःख मणभर

तरीही तू आभाळासारखी घरभर........

तूच कामिनी, तूच दामिनी

तूच स्वामिनी , तूच रणरागिणी

त्रिवार वंदन तुजला सखे

सलामीची तूच खरी मानकरणी.........