वाट पहाती सारे

माणुसकीच्या माणुसपणाला इथे

लागतोय रोज कलंक

 प्रेमाच्या नावाखाली मारती

 क्रूर वासनेचा डंख

आधुनिक युगाच्या गप्पात

सुंदरता असते शाप

संस्कारांची बीजे कुजली

स्वराचार उठला वारेमाप

वावटळीत भावनांचा उद्रेक 

फोडून टाहो सांगती

मिळेल का दान 

निष्पाप जाती जीवांती

न्यायदेवता आहे आंधळी

किती जीवांना जाळी

निर्भया ,प्रियांका ,अंकिता

कित्येक जाती बळी

पळवाटा कायद्याच्या अगणित

उरला ना कशाचा धाक

थरार उघड्या डोळ्यांनी

गर्दी करते डोळेझाक

वाट पाहती सारे

जिजाऊ शिवबाचा न्याय

अत्याचाराचे डोंगर वठतील

निपटून सारे अन्याय...