तू परत येऊ नकोस
तू परत येऊ नकोस
तुटलेल्या मनाला पुन्हा आशा नको उद्याची
आत्ता असह्य यातना पुन्हा दुर जाण्याची
टाके सहुन हृदयाला सावरतो आहे
आत्ता मी माझ्या मनाला आवरतो आहे
जोडल्या मनाला पुन्हा तोडायला येऊ नकोस
विरहाने तुझ्या प्रेमावरून माझा विश्वास उडाला
आत्ता कुठे माझा स्वाभिमान परत आला
विरले रंग माझ्या आयुष्यात तुझ्या प्रेमाचे
विसरत आहे रस्ते तुझ्याकडे जाण्याचे
तुझ्या आवडी अजुनही स्मरतो आहे
पण हृदयाचे तुकडे केल्याबद्दल तुला
क्षमा करण्यास हरतो आहे
आत्ता साथ नको तुझी
बस्स राम राम हवा
तू परत येणार नाहीस
एवढा एकच वादा तुझ्याकडून हवा