तुझी सुमधूर वाणी....

मुग्ध झालो ऐकूनिया

तुझी सुमधूर वाणी ।

सांग सखे बनशील का गं

तू माझ्या दिलाची राणी ।।

एक-एक शब्द तुझे

आठवते मज जसेच्या तसे ।

सुंदर तुझा मुखडा हा गं

नित्यदिनी नयनी वसे ।।

झालो प्रेमवेडा खरा

तूच मज सर्वत्र दिसशी ।

स्वप्नामध्ये येऊनिया

मज बघताक्षणी तू हसशी ।।

नजरच हटेना तुझ्यावरून

जेंव्हा तू असते माझ्यासमोर ।

स्पर्श होताच तुझ्या देहाचा

थुईथुई नाचे मनातला मोर ।।

प्रेम आहे माझे तुजवर

आईशप्पथ खरं सांगतो ।

रोज माझ्या प्रार्थनेत गं

देवाला तुझी साथ मागतो ।।