तुज स्वप्नात रंगले

भाव होते जे जे मनी

सारे नयनी साठले

आज बेधुंद होऊनी

तुज स्वप्नात रंगले //१//

कसे वेड अनामिक

वेड्या मनास लागले

नकळत माझ्या,सख्या

मन तुझ्यात गुंतले //२//

भेट सख्याची न होता

जीव बहु व्याकूळला

धीर देत मना, जीव

तुज स्वप्नात रंगला //३//

गोड गोड स्वप्नी कसा

प्रेमाचा रस्ता अनंत

हात येता तुझा हाती

हर्षाला नव्हता अंत //४//

प्रेमयुक्त नभांगणी

अन्य तारा झाल्या मंद

मेघ-मुक्त नभामध्ये

चमकतो प्रीतचंद्र//५//