ती सांगत नाही दु:ख तिचे...

*माझा बाप गेल्यापासून माय* 

*ती सांगत नाही दु:ख तिचे* 

*आतल्या आत रडते धुमसत* 

*भोग मानत राहते स्वतःचे....!!*✒

*मारते उसवल्या पदराला गाठी* 

*हाडाची काडं करते संसारासाठी* 

*पै पै जमा करते लेकरांसाठी*

*खंबीरपणे उभी राहते लेकरांपाठी ...!!*✒

*डोईवरचे केस गेलं कामं करून*

*ती सांगत नाही दु:ख तिचे* 

*हाकते संसाराचा गाडा एकटीच* 

*बोल गिळते दु:ख सोसते अंतरीचे...!!*✒

*उजाडल्या कपाळावरचं गोंदण* 

*मला जगण्याची उम्मीद देते*

*द्रारीद्र्यानं झडपलेल्या झोपडीला* 

*पाहुनी माझे ह्रदय लय हेलावते....!!*✒

*खचू नको माय तू आता बघ तुझा लेक*

*खूप शिकीन शाळा मोठा साहेब होईन*

*मायच्या चंद्रमोळ्या स्वप्नासाठी माय* 

*मी रक्ताचं पाणी करून सुख तुला देईन....!!*