स्वावलंबन

नाही लाज मला मित्रा,

तुझ्या बुट पाॅलीशची !

धन्यवाद तुझे दोस्ता,

संधी दिली कमाईची !!

काढ मनातून सख्या,

भीती वाया मी जाण्याची!

नको जाऊ घाबरून ,

नाही स्थिती कायमची !!

काम हलके नसते,

लाज का बाळगायची !

संधी धरून एकेक,

शिडी वर चढायची !!

हीच प्रथम पायरी ,

स्वतः कष्ट करण्याची!

काम करता करता ,

स्वावलंबी बनण्याची !!

मोठे मला होण्यासाठी,

कास हाती शिक्षणाची!

मोठी स्वप्ने, ध्येये माझी,

आकाशात झेपायची !!

आज करतो पाॅलीश,

उद्या होणार यशस्वी!

एके दिवशी ऐकाल,

तुम्ही कवने यशाची !!