लाइब्रेरी
प्रोफाइल
स्पर्श
स्पर्श
1 min
170
त्वचेने होई ज्ञान स्पर्शाचे
ज्ञानेंद्रिय किती कमालीचे!
स्पर्शा-स्पर्शातील गूढ अर्थ
समजला तर जीवन सार्थ!
लेकरास स्पर्श माऊलीचा
आनंद हा साऱ्या विश्वाचा
यौवनातील स्पर्श बावरा
मना करी कावराबावरा
वासनांध नजरेचा स्पर्श
जीवनातील घालवी हर्ष
जलाचा स्पर्श वसुंधरेला
नवचैतन्य देई सृष्टीला
स्पर्श नाना रंगी,नाना ढंगी
फुलपाखरापंखी रंगीबेरंगी
