स्कंदमाता

दुर्गेचे पाचवे रूप

नाव तुझे स्कंदमाता

महिमा अगाध तुझा

तू विश्वाची त्राता....

आहे चार भुजाधारी

हाती कमळाचे फूल

श्वेत धवल रंग अंगी

कानी शोभते डुल...

स्कंद बसती अंकी

कमळाच्या आसनी विराजमान

वाहन असे सिंह तव

मूर्ती साजिरी घाली पद्मासन...

भक्त चक्रात स्थिर होई

साधका मिळे मुक्ती

आई तुझ्या मायेची 

अफाट आहे शक्ती....

अलौकिक तेज लाभे

मोक्षाचा मार्ग होई सुलभ

चिंता हरून जातील साऱ्या

दूर होईल मनातील मळभ...