सजले मी

इष्काच्या या रंगमहाली..

रात ही फुलून आली....

लाज आली गाली, ओठांवर चढं ही लाली 

तुम्हा साठीच मी साजशृंगाराने सजली llधृll

 दर्वळे चंदनाचा सुगंध

बांधला मी तंग कटीबंध

चढलिया अशी राया धुंद

चोळी काच अंगी झाली तंग

राया मी इंद्राची अप्सरा ही .

अवतरली..

तुम्हासाठीच मी साजशृंगाराने सजली..ll१ll

शालू नेसला केशरी रंग

दागिन्यांत मढे माझे अंग

याव बसावं खेटून संग

होऊ आज प्रीतीत हो दंग

काया माझी अशी तुम्हासाठीच झिजली 

तुम्हासाठीच मी साजशृंगाराने

सजली..ll२ll