शीर्षक -बालपणीचा खेळ

बालपणीचा खेळ

चिंचोके गजगे बांगडी

मधेच येई हुक्की

खेळायला लंगडी

सगळ्यात वाटे भारी

साखळीचा खेळ

जोडी नाही भेटली की

करायच्या साऱ्या चेळ

चिंचोक्याच्या डावात

खूप यायची मजा

सगळ्यांना जिंकून

मीच व्हायची राजा

भातुकलीच्या खेळात करी

खोटी भाजी भाकर

वाटू कधी झाडपाला

कधी शेंगदाणे साखर

तळ्यात मळ्यात रिगोल

कितीतरी सुंदर खेळ

आनंदात जायचा सारा

सुट्टीतला आमचा वेळ .