🌹दीपोत्सव शब्दांसंगे🌹

आहे दिवाळी सौख्याची

सजवूया दीपोत्सव

दीपावली परंपरा

जपूया हो स्मृतीत्सव

वसूबारशीची पूजा

श्रीकृष्ण गाय गोपीका

धन्वंतरीने अमृत

पाजविले देवादिका

नरकासुराचा वध

करी लीलया श्रीकृष्ण

सोळा हजार शंभर

मूलींचा सोडवी प्रश्न

बळीच्या बंदीखान्यात

लक्ष्मी ' कुबेर बंदिस्त

पाताळा घालून त्यासी

वामनाने केले मुक्त

 बलिप्रतिपदा थोर

पूज्य बळीचे दातृत्व

हरवूनी शंकरास

सिद्ध पार्वती कर्तृत्व

यमा ची बहिण यमी

 आवडीने ओवाळीते

लाडक्या बंधूराजाला

यमी यमी खाऊ देते

ही धरती हे आकाश

लख्ख उजळो झकाश

दीपोत्सव शब्दांसंगे

मानवतेचा प्रकाश