।। शाळा सदगुरूंची ।।

गुरू मंत्राच्या जोरावर सहल करू भवसागरांची ,

चला दासांनो आज पाहुया शाळा सद्गुरू बैठकीची ।। धृ ।।

शाळेत जमले दास सारे बैठकीच्या वर्गात ,

फिटते पारणे डोळ्यांचे सद्गुरूंचे दर्शन होतं,

हसुनी घेती राव रंक शिकवण मोक्षाच्या प्राप्तीची ।।१।। 

श्रवणासाठी येती दास नाना स्वारींच्या वर्गात ,

कष्ट सोसले समर्थांनी प्रतिष्ठान उभे करण्यात ,

समर्थ कृपेने आज्ञा आम्हा मंगलाचरणाची ।।२।।

लहानांपासून थोरांपर्यंत एकच वर्ग बैठकीचा ,

एकच गुरुजी भेद न करती समर्थ बोधांचा , 

फी न घेती सद्गुरू आमचे चिंता नसे संसाराची ।।३।। 

बैठकीची वेळ एकच ना कुणा सजा नसे ,

राग न कधी सद्गुरूंना वर्गाबाहेर कुणी नसे 

समर्थ चरणी प्रार्थना दासांची कोरोना नष्ट करण्याची ।।४।।

उपासनेच्या बळावरती अपराध घेती पोटांत ,

दास विनवतो शरण येऊनी अखंड ठेवा चरणांत ,

असे मिळाया सद्गुरू आम्हा कृपा त्या देवाची ,

ओढ लागली दासांना श्रवणाच्या बैठकीची ।।५।।