सौंदर्य एक नक्षत्र
सौंदर्य एक नक्षत्र
नक्षत्राप्रमाणे रूप तुझं
डोळ्यात मी साठवलं
हेवा वाटावा तुझा
म्हणुनी तुला आठवलं।।
हरणाप्रमाणे बोलके डोळे
करती इशारे खट्याळ फार
रूप तुझे निरागस भोळे
पाहून चंद्राने पत्कारली हार।।
ते गुलाबासम ओठ
त्यास देठ हनुवटी
गालाच्या कमानीत जोड
मानेला जुळू पाहती।।
केवड्याप्रमाणे तुझी कांती
आवाजात तुझ्या मेवा
तेवत राहूदे तो गोडवा
म्हणुनी तुझा मज हेवा।।