Library
सावली
सावली
काय ही वेळ ,
किती दाटूनी आला काळ ,,
निसटली भूई माझी ,
अहो कोसळले आभाळ ,,
पोरका झालो मी ,
झालं जगण ढगाळ ,,
कारण आता माझ्या सावली ची,
नाही होणार सकाळ...
मावळताना तिने ,
मला घातलं गाऱ्हाणं ,,
माझ्यासाठी तू ,
गाशील का शेवटचं गाणं ??
शब्दच हरविले माझे ,
नाही ठाई राहिले भान ,,
चाली नेच सोडली साथ ,
आता कसा गाऊ मी गुणगान...
अंग शहारून जाते ,
आज तो प्रत्येक क्षण आठवितांना ,,
किती बावरी व्हायची तू ,
मी तुझ्यावर रुसतांना ,,
अश्रूंचा फुटतो पाझर ,
त्या आठवनिंना साठवितांना ,,
प्रत्येक वेळी तूच शरण जायची ,
जरी चुकी माझी असतांना...
काल वेळ होती ,
तर प्रेमच कळाले नाही ,,
आज प्रेम करायला शिकलोय ,
तर वेळेची अनुमतीच नाही ,,
वेळेला माझी विनती ,
नको करो घाई ,,
कारण ,
आज आम्ही आलोय एकत्र ,
पण आम्हाला उद्याची सवलतच नाही...
किती अभागा आहे मी ,
मज जाण ना झाली खऱ्या प्रेमाची ,,
दोषी आहे तुझा ,
कदर ना केली तुझ्या भावनांची ,,
हृदयात तू असताना ,
मला गरज काय कुणाची ?
होतो ,
आहे ,
आणि
राहील फक्त तुझाच ,,
शपथ घेऊनी सांगतो ,
मी तुझ्या प्रेमाची.....
शपथ घेऊनी सांगतो ,
मी तुझ्या प्रेमाची.....
