व्यसन झालंय मला
व्यसन झालंय मला
व्यसन झालंय मला ,
शब्दांना शब्दांशी जोडण्याचं ,,
पाषाणी हृदयावर ,
भावनांच्या शाईने रेषा ओढण्याचं...
व्यसन झालय मला ,
काट्यांतून गुलाब वेचण्याचं ,,
माझ्या मनाच्या वाळवंटात ,
तुझ्या हरविलेल्या पाऊलखुणा शोधण्याचं...
व्यसन झालय मला ,
वाक्यांना चालीत गुंफण्याचं,,
माझ्या हृदयाच्या कान्याकोपऱ्यात,
तुझ्या प्रेमाचा सडा शिंपण्याचं...
व्यसन झालय मला ,
फक्त तुझ्यात गुंतण्याचं ,,
तू नसताना सुद्धा ,
माझ्या प्रत्येक क्षणांत ,
तुझ्या आठवणींनी प्राण फुंकण्याचं...
व्यसन झालय मला ,
फक्त कविता नाही ,
तर तुझी सावली आकारण्याचं ,,
तू पाहिलेल्या त्या प्रत्येक स्वप्नाला ,
सत्यात साकारण्याचं...
व्यसन झालाय मला ,
वास्तव नाकारण्याचं ,,
तू अजूनही ,
माझ्याच सोबत आहे,
हेच सत्य स्विकारण्याचं...
व्यसन झालय मला ,
बेधुंद होऊन लिहीत राहण्याचं ,,
माझ्या प्रत्येक कवितेत,
तुझे प्रतिबिंब पाहण्याचं....
व्यसन झालय मला ,
तुझ्याच ओघात वाहण्याचं ,,
दोन घटका का होईना ,
तुझ्याच सहवासात राहण्याचं.....
दोन घटका का होईना ,
तुझ्याच सहवासात राहण्याचं.....