लाइब्रेरी
प्रोफाइल
सातबारा गहाण झाला
सातबारा गहाण झाला
1 min
354
माय उन्हा तान्हात
घामान भिजली
लेकरं उपाशी पोटी
सावलीत निजली
तिच्या साडीचा पदर
झाला लेकराची झोळी
तिनं लेकरांसाठी केली
साऱ्या स्वप्नांची होळी
माय उपाशी तापाशी
लेकराची स्वप्नं पेरती
आसवांन तिच्या रे
माती सुगंधी होती
सांग आभाळा देवा
पावसाचा नाही मेळ
का केलास तू देवा
आता मायेचा हा खेळ
कधी येशील तू देवा
माय देण्या उभारी
रघात आटून गेलं
फिटेना कर्जाची उधारी
ज्यांन पोट हे भरलं
त्यो आता इथं नाही
त्याच्या शिवाय आता
हे पोट भरणार नाही
राजकरणात साऱ्या
बाप गेला या मरून
सातबारा गहाण झाला
कसा अंत हा करून
