साजणे

तुझ्या मनातील भावनांचा, होऊ दे खुलासा

प्रेमात सखी तुझ्या, मी झालो वेडापिसा||धृ||

हा डाव सोंगटयांचा, रंगला आता जरासा

तो नेत्रकटाक्ष तुझा, देऊन गेला दिलासा||१||

लालचुटूक अधरांनी, टाकलाय नवा फासा

अडकून गेला पुरता, दुबळा हा मासा||२||

ही कानातील झुमके, घेतात मनाचा कानोसा

गालावरचा तीळ साजणे, घायाळ करतो पुरेसा||३||

तुझ्या प्रितीचा गुलाब, मनी फुलवितो आशा

जाऊ नको दूर, मनाची होईल निराशा||४||

नको मांडू सखे, माझ्या प्रेमाचा तमाशा

फुललेल्या श्वासांना, जरा घेवू दे उसासा||५||