रुसवा
रुसवा
बोल ना गं जरा बोल ना
हा रुसवा का धरलीस
सांगना गं मला सांगना.....
तुझ्यासाठी आणू का गं
चंद्राची कोर
बागेत कसा नाचत आहे
बघ हा मोर
अग राणी गं
माझ्या सवे खेळना.....
माझ्यापासून तू ग अशी
दूर नको जाऊ
गोड गोड तुझ्यासाठी
आणू का ग खाऊ
तुझ्या आवडीचा
बघ नजराना.....
चिऊताई बघ कशी
पहात गं आहे
तुझ्यासाठी हृदयात माझ्या
जागा ठेवली आहे
माझ्या प्रेमाचा
स्विकार करशील ना
दोघे मिळून आपण
घरट्यामध्ये राहू
जगाला प्रेमाची
खरी ताकत दावू
माझ्या जीवनाचा
भाग होशील ना...